كنت قاعده توني يم امي طبعا امي كل يوم عندها "ساعة صفاء "وهذي الساعه من الساعه8م حتى2ص وهي عباره عن ساعه كامله دون مقاطعه لحل الكلمات المتقاطعه لازم اتحط على "قناة العربيه" عشان تسمع الاخبار وهذي الساعه احلى ساعه عند امي وطبعا باخر هذي الساعه راح ايكون افضل توقيت عشان اقولها متطلباتي."حالة امي قبل الكلمات المتقاطعه":متضـــــــــايقه
اما حالة امي بعد الكلمات المتقاطعه مستــــــــــانسـه
و الصراحه انا واختي الوحيده ""اهي اكبر مني بالجامعه""صرنا انغار من الكلمات المتقاطعه لان امي صايره تعطيها اهتمام اكبر من كل شيء بالبيت .وحتى مره خالتي زارتناوامي كانت شوي مضايقه جان تحط الشاي والقهوه وطلعت الكلمات المتقاطعه واكشتت بخالتي وخالتي اقعدت اتسولف وامي بس اتهز براسها وخالتي قالت حق امي "انت بس اتهزين براسج ماتعارضين شيء من اللي اقوله"وبهذي اللحظه كانت خالتي تنتظر من امي جواب او اي رد وامي بالها مو مع خالتي مع الكلمات المتقاطعه جان امي اتقول"اي ابوجر "واهو جواب للسؤال موجود في الكلمات المتقاطعه"ماهي عاصمة نيجيريا الجديده " جان تطلع خالتي امعصبه وامي كانت قاعده اتكمل الحل جنه ماصار شيء بعد ماخلصت الكلمات المتقاطعه جان تسال "وين خالتج" ومن يومها قام يزيد كره وحقد عائلتنا للكلمات المتقاطعه وعشان جذي امي كل يوم لما اتروح الدوام تاخذ صفحة الكلمات المتقاطعه واتخشها عشان محد يتعرض لها في جنطتها مع اغراضها ولا مرات اتروح الجمعيه تشتري جريده غير اللي في البيت عشان اتحل لعبتين كلمات متقاطعه مختلفه والله مره حلت جزء من الكلمات المتقاطعه ماعرفت الحل خشتها لثاني يوم وانقلت الحل
3 months ago
.jpg)
4 comments:
سبحان الله ...ذكرتيني بالوالد الله يحفظه ويرده بالسلامه
حبيبي يموووت على شي اسمه سدوكو ...طبعا السدوكو والكلمات المتقاطعه بنات عم
ويقعد من عقب ما يتعشى لين ساعات اذان الفير وساعات يشق النور عليه عادي ..ماكو مشاكل واذا سافر يقولي يا بنيتي خشيلي الجرايد عشان احل السدوكو ..ووده يغير اشتراكنا من القبس لي الوطن بس علشان الوطن ينزلون ثلاث سدوكو القبس ينزلون وحده ..لكن الفرق ان ابوي ما عنده دوام مثل والدتج..وفعلا اذا نبي نطلب منه شي اثناء السدوكو ..لي درجه ان يابله لوحه مغناطيسيه بيضا واقلام عشان يرسم السدوكو ويحلها...مادري شنو الحل معاه ..بس دامه مستانس ..انا مستانسه واخشله الجرايد ..وما اغار منهم ..:)
اشكرج اختي
3ateeja
على المرور
وعسى ابوج يكون مستانس
على طول انشاء الله
هههههههههه
والله من ما فتحت الصفحه وانا اضحك
حلــــــوه
والي لفت نظري العناون حلـــــــو
اختج رؤى
اشكرج اختــــي رؤى على مروج الحلو
وتقبلي تحياتي
Post a Comment