عيدكم مبارك

عيدكم مبارك

وتقبل الله منا ومنكم صالح الاعمال

قلبي يعورني خلص رمضان :( وخلصت الاجواء الروحانية الجميله

كنت استمتع لمى اصلي طول الليل واتسحر واصلي الفير واحط راسي وانام اجمل نومه

يارب اعد علي رمضان واحبائي حولي بصحه وعافيه

فيني عادة سيئه جداا ما احب عيد رمضان......قعدت اليوم الساعه 5

وتريقت مع اهلي حليب بلهيل ورهش ولبنه

وبعدين طلعنا نصلي العيد احب صوت اذان العيد يعطيني شعور بلامل والفرحه الشديد

بعدها رديت البيت ورحت انا واختي الساعه 7 حق المستشفى نزور يدنا ""بغيبوبه"" شفاة الله واجرة علىكل دقيقه طبعا قعدنا نبجي

وندعي له برحمه لانها ثالث سنه له واهو بغيبوبه احب يدي وايد وايد يمكن اكون انا اكثر وحده بالعالم تحب يدها احب ريحه قهوته الصبح واحب اشعارة وقصصه عن الاولين كنت استمتع بلقعده معاه يدي كان نشيط ما يحب الرباده كان ينام بعد اذان العشاء والله مثل الساعه من كنت اصغيره وهذا جدوله ينام العشا ويقعد الساعه 2 صباحا يصلي وبعدين ينام ساعه ويقعد على اذان الفير يصلي وبعدين يروح يسوي

قهوته الي محد بالعالم حتى ستار بكس ما يعرف يسوي مثلها وبعدين ينطلق يشتغل بزرع , بالبيت ......

.احب اهو ويدتي اهم العيد

بعدها ردينا البيت نمنا ساعتين تقريبا وبعدين رحنا نعيد على الاهل.....ردينا الساعه 4

هذا جدولي اليوم احس العيد بايخ ماله طعم...يمكن لاني فقدت الي احبهم واحب اعايدهم او يمكن اني فاقده رمضان

باجر عندي الساعه 9 مدر س :( وبعدين يمكن اطلع مع اختي

عيد سعيد ومبارك على الجميع

م ب ا ر ك 0 ع ل ي ك م 0 ا ل ش ه ر

اولا: مبارك عليكم باجي الشهر>> ادري يات متاخره >>;p

ثانيا: اتمنى ان يكون هالشهر ملييء بالتوبه والاستغفار لله وطلب العفو من الله

ثالثا :اتمنى انكم ما نسيتوني بسبب انقطاعي الطويل عن الكتابه:)


شهر رمضان بدايته رحمه وسطه مغفره ونهايته العتق من النار)بديت يوم الاربعاء بهل الجمله من ابلة
الرياضيات والله هالابله احبها لله وكل شيء عندها سهلات ما في شيء صعب

وعلى قولتها خليك ايزي ياعزيزي تلقى الدنيا كلها ايزي ....................

مثل ما قلت لكم بالموضوع السابق ان كل اربعاء نطلع انا واختي للسوق بس هالايام بيني وبينكم السوق ما لكم محط ريل بعد الفطور ييب ضيقة الخلق والمقثه بس الصبح فاااااااضي كل الناس صيام ومحد له خلق يروح الا للحاجه فانا واختي نتسوق الصبح احسن وابرك اقولكم ليش تونا هذا الاربعاء اللي فات رحنا سوق شرق خذينا قهوه موكا فرابيشينوا من ستاربكس وساندوش حلوم مو طبيعي الزبده على قولت خالي لما ينا نبي نقعد برا اللهم بس فتحنا الباب ولا اغاني ورقص ماجنه الرمضان ولا اختي طالعني نظره كلها علامات استفهام ؟؟؟؟؟
اختي: احنا بالرمضان؟؟؟؟؟؟؟
انا : والله ما ادري يمكن
اختي : امشي نرد البيت ابرك: (
انا:وين باب السياره بس الله يخليج
اختي : تدرين ان الحين السوقه تعتبر محضر جن
انا :بسج تخرع خلينا نطلع بس ما ابي شي

ولا واحنا داخلين شرق نبي نروح المواقف ولا مصري يغني """سواح"" والمصيبه مصدق ان صوته حلو والشباب يضحكون ويصورونه بلوتوث ولا اختي قالت اذا مره ثانيه قلتلج خلينا انروح السوق بعد الفطور ذكريني بسواح وانا اهون بس والله انا تضايقت من مجتمعنا اللي سنه عن سنه قاعد يعم فيه الفساد والله اخاف لا الله يغضب علينا بس شقول الله لا يبلنا

وماعندي شيء يديد في يومياتي غير الدراسه وكل يوم يعيد نفسه ولا تغير روتيني اليومي راح اكتبه انشاء الله وانشاء الله ما طولت عليكم
"وعساكم من عواده"امين
وانشاء الله يعطونا عطله بالعشر الاواخر
ادعولي عندي امتحانات قصيره الاسبوع الياي كله

عندي سؤال يروادني شنو رايكم بمسلسل "الفريه؟؟؟؟؟؟"

وتحياتي لكم
وســــــــــــــــــــــــــــــــــــن

يوم الاربعاء

الاربعاء يوم مقدس بالنسبه حقي انا واختي لااازم نطلع فيه مع بعض ونروح سينماوطبعا من نصعد السياره وتلفوني وتلفون اختي يرقصون من امي كل شوي ادق وسمعوا الحوار:؟
امــي: وسن وصلتوا
انا: يما تونا طالعين
امي:بس سينما ال..... قريبه من.... مو بعيده
انا: يما شويه زحمه
اختي:الو يما السياره ما ادوس فوق 80ك الظاهر فيها شيء
امي:لا ما فيها الا البخت انا خليت ابوج يضبطها ما اتعدي 80ك والله اخاف عليج
اختي:ويما تسالينا ليش ما وصلنا
امي : اذا وصلتوا دقوا علي
انا:انشاء الله بس روحي ارتاحي
امي: وين ارتاح وانتوا بره
انا :لا لا قوي نفسج شلون بعدين بعد سنتين بسافر ادرس بره شتسوين
امي:بالمشمش اتسافرين بره اختج وما خليتها تبين اخليج تروحين
انا: والله انحاش ولا اختي اتوصلني المطار
امي : بروح اشوف "يني وعطبه" يعني "الخدم"اللي بالمطبخ
امي :يلاه بحفظ الله
انا:مع السلامه
وصلنا المواقف اوووووووووووو عاد اختي ما تسفط الا يم الباب كله من الافلام اللي اختارها الله يهديني جنيت على نفسي
المهم وصلنا السينما والفيلم بدا صار له 10 دقائق
اختي يلا ابسرعه عاد اول ما ندخل كل وحده اتحط المنبه على الصلاة المهم لما اندمجنا بالفيلم جان يرن المنبه لما قمنا اشوف محد فز للصلاة وللاسف ريايل اكبار كل واحد عمره الف المهم اشوه اني على وضوء
لان مره طلعت من البيت مو متوضيه جان اختي تساليني اسالت تانيب""
الضمير : منو اهم ربج ولاالفيلم ؟؟منو اهم ربج ولا الهياته بالسوقه ؟؟؟ اتقولي تخيلي الله الحين ينطرج اتصلين و "تحمدينه""؟؟؟ وقالت لي لا تزعلين يوم اذا دعيتي ربج و ما استجاب لج؟؟؟ باللحظه هذي استحيت على ويييهي ورحت اتوضيت وصليت""؟
ما علينا وبعدين رحنا شفنا الفيلم
المفروض ان نروح فليم وراء الاذان عشان ما اقطع زبدة الفيلم علينا بس المشكله الطامه امي عندها
قانون وهو كالتالي
طووووط"ممنوع الدخول للسينما بعد الساعه 6م"
"يعني الساعه 4م,5م ممنوع لان راح نطلع بالسبع"
خلص الفلم ورحنا حق مطعمنا المفضل ... وقعدنا على طاولتنا المفضله كل شىء عندنا معاه ذكرى وموقف :) واختي عندها ولاء حق كل الاشياء عندها ولاء حق تلفونها تحبه ما تغيره الا اذا استشهد
سيارتها احلى سيارة بشارع مغرمه فيها والمصيبه تدلع سيارتها وتتكلم عنها كانها فرد من العايله
حتى مفتاح سيارتها تحبه علشان جذي انا مبتلشه فيها اذا حبت مطعم وسينما راح انطر قرون قبل لا نغيره
و المهم خلصنا من الغدا تليفوني يرقص : ولا امي
امي: ليش مسكره جهازج شلعتي قلبي والله كنت يايه لكم على البساط السحري لو ما رديتي الحين؟؟
انا :هو اشصاير ؟؟ليش ؟؟ اشفيج؟؟
امي: ردي على سؤالي ؟!!؟
انا:امممم اي السينما ما فيها سرفز
امي :ايييييي يلا لا تصيفون
انا :انشاء يمه الحين رادين
امي :وسن يلا ما نمت قيلولة العصر بعدين اتعكر مزاجي وما احل الكلمات المتقاطعه
انا: لالالا كل شيء الا الكلمات المتقاطعه لازم تنحل واذا ما نحلت اقول باي باي حق الطلبات اللي قاعد اخطط لها
امي :اي عاد
خلصنا الغدا وطلعنا من المطعم شوي اختي خطواتها تزيد وانا احاول الحقها ياربي الخطوات تصير اسرع اطالع اريول اختي لابسه كعب اطالع اريولي انا فلات واهي سابقتني هوزلت :( اختي من كثر الافلام وتخرع امي تخاف من المواقف وانا بدا الخوف يدخل قلبي بس مو كثر اختي المهم اول ما ندخل السيارة اختي وانا نتسابق على مفتاح القفل :) بعدين انطالع بعض وانقول وصلنا بسلام ونبطها ضحكه احس بيني انا واختي اشياء محد يفهمها الا انا واهي وحتى اذا طلعنا معااحد ما يفهم علينا مرات لنا حركاتنا
الخاصه ولي انا ويها مطعمنا الخاص و قهوتنا الخاصه وطاولتنا الخاصه
تقريبا هذا جدولي انا واختي يوم الاربعاء ((ايام الدراسه )) بس بعطلة يتغير السستم
احب اختي حيل ولا اتصور الحياة بدونها اهي اختي وحبيبتي وصديقتي ومستشارتي الخاصه
والانسانه الوحيدة الي احس اني اعتمد عليها وانا راح تكون يمي مهما كان احبها لمى تقومني على الصلاة الفير واحب لمى احن عليها مثل ما تحن على على الصلاة
The end

alittel bird told me i do some thing that hurt you some times iam not too sensitive ,but i want you to know iam sorry
اهداءخاص جدا
"لي امي واختي"

مختصرات

• لن تخسر شيئامن خلال الحب..وانما ستخسر
  دائما عندما تخسره
• ان قضيت وقتك في الحكم على)
  افعال الناس فلن تجد الوقت لتحبهم)؟

• الصديق هو هديه تهديه)
  لنفسك)؟

• هناك اشخاص تستمر معرفتك بهم وهم ايضا يحبونك ويستمرون على
• معرفتك للابد بشكل لايستطيعه غيرهم وهذا لانهم راوك وانت
  تتغير و اعطوك الفرصه لذلك

• ..ان اردت ان يحبك الناس فحب)
  وكن جديرا بان تحب)؟..

• ان الشيء المهم في الحياة )
  هو اسلوب تعاملك مع الاخرين)؟

• ..التجربه هي اقسى معلم )
  ولكنك تتعلم منه)ا..

• المشاركه في السعاده تضاعفهاالمشاركه في الحزن تشطره الى نصفي
• مثل سويدي

• ما نأخذه قد يعطينا ما نحيا
  به ,اما ما نقدمه فيعطينا الحياة نفسه

• ان كنت على وشك الموت ولديك فرصه واحده لاجراء مكالمه هاتفيه,فمن ستتصل به و ماذا ستقول له؟؟ولماذا تنتظر؟؟

• ان قلب الاحمق في فمه ,ولكن فم الحكيم في قلبه)؟)

ان الشخص السعيد ليس هو من يحالفه الحظ و الظروف دائما ولكنه من يملك

مجموعه معينه من طرق التفكير

• موت المرء صغيرا لا يعد ماساة ولكن الماساة الحقيقيه هي ان يعيش حتى يبلغ الخامسه والسبعين و لايكون قد عاش حياته بحق؟

• لاتنظر وراءك في غضب ولا امامك في خوف ولكن انظرحولك في حذر

• ان افضل ما في حياة انسان صالح هو افعاله الصغيره التي تنم عن الرحمه و الحب والتي لا يذكرها احد

• يتكون الكون من قصص لا من ذرات

""ملاحظه""

اتمنى ان تعجبكم المختصرات

وقولولي رايكم

وسن

امي والكلمات المتقاطعه

كنت قاعده توني يم امي طبعا امي كل يوم عندها "ساعة صفاء "وهذي الساعه من الساعه8م حتى2ص وهي عباره عن ساعه كامله دون مقاطعه لحل الكلمات المتقاطعه لازم اتحط على "قناة العربيه" عشان تسمع الاخبار وهذي الساعه احلى ساعه عند امي وطبعا باخر هذي الساعه راح ايكون افضل توقيت عشان اقولها متطلباتي."حالة امي قبل الكلمات المتقاطعه":متضـــــــــايقه
اما حالة امي بعد الكلمات المتقاطعه مستــــــــــانسـه
و الصراحه انا واختي الوحيده ""اهي اكبر مني بالجامعه""صرنا انغار من الكلمات المتقاطعه لان امي صايره تعطيها اهتمام اكبر من كل شيء بالبيت .وحتى مره خالتي زارتناوامي كانت شوي مضايقه جان تحط الشاي والقهوه وطلعت الكلمات المتقاطعه واكشتت بخالتي وخالتي اقعدت اتسولف وامي بس اتهز براسها وخالتي قالت حق امي "انت بس اتهزين براسج ماتعارضين شيء من اللي اقوله"وبهذي اللحظه كانت خالتي تنتظر من امي جواب او اي رد وامي بالها مو مع خالتي مع الكلمات المتقاطعه جان امي اتقول"اي ابوجر "واهو جواب للسؤال موجود في الكلمات المتقاطعه"ماهي عاصمة نيجيريا الجديده " جان تطلع خالتي امعصبه وامي كانت قاعده اتكمل الحل جنه ماصار شيء بعد ماخلصت الكلمات المتقاطعه جان تسال "وين خالتج" ومن يومها قام يزيد كره وحقد عائلتنا للكلمات المتقاطعه وعشان جذي امي كل يوم لما اتروح الدوام تاخذ صفحة الكلمات المتقاطعه واتخشها عشان محد يتعرض لها في جنطتها مع اغراضها ولا مرات اتروح الجمعيه تشتري جريده غير اللي في البيت عشان اتحل لعبتين كلمات متقاطعه مختلفه والله مره حلت جزء من الكلمات المتقاطعه ماعرفت الحل خشتها لثاني يوم وانقلت الحل

who is BaNgBaNg2???????

الاسم:وسن

15:العمر

الوطن: الكويت

الحالة :اعزب

"الامل كبير"

"الطموح كثيره"

الهوايات:ركوب الخيل ,""السباحه"" ,التنس

5:15:5الساعه

اليوم:الخميس

27.7.2006

اللون المفضل :الازرق